Правото на граѓаните да учествуваат во извршувањето на јавните работи е едно од основните демократски начела, а најдиректно може да се оствари на локално ниво каде што локалните власти се во можност поблиско да соработуваат со граѓаните и граѓанските организации и да работат на проблемите кои директно влијаат врз нивните животи. Преку соработка со граѓаните и нивните организации при испорачување програми и услуги, локалните власти можат да дојдат до ресурси, знаење и заложба во спроведувањето на активностите кои се од директен интерес за заедницата. Ова може да резултира во взаемна доверба, чувство на сопственост и поголем легитимитет на нивните одлуки.
- Резултат: Отварање и заживување на „Мултимедијален центар“ како програма за организирање на животот на младата популација, место за НВО секторот за градење на дијалог и овозможена двонаочна комуникација со локалните авторитети место за доживување на културата и културните вредности која ја разбива дискриминацијата во заедницата.
